Plantun de Prouvènço

Pèr coumpara dos planto d'encò nostre

Spergula media & Erodium cicutarium subsp. bipinnatum

Espargouto(-maritimo)

Spergula media

Caryophyllaceae

Autre noum : Praussèli.

Noms en français : Spergulaire maritime, Spergulaire marginée.

Descripcioun :
L'espargouto-maritimo es uno planto pulèu coumuno di relarg sala de sansouiro e de ribo de mar. Fai de poulìdi flour roso pourtado pèr de cambo poupouso. Pèr aquéu group, li flour soun pulèu grosso emé de petalo mai longo que li sepalo. Li grano soun alado e lisco. De nouta peréu que i'a (8)10 estamino. Coumpara emé l'espargouto-de-mar que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 8 à 15(30) cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Spergula
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 4 mm
Flourido : Estiéu - Autouno

Sòu : NaCl
Autour basso e auto : Pancaro entresigna
Aparado : Noun

Liò : Sansouiro - Mar
Estànci : Termoumediterran à Mesoumediterran
Couroulougi : Paleotemperado
Ref. sc. : Spergula media (L.) Bartl. & H.L.Wendl., 1825 (= Spergularia media (L.) C.Presl, 1826 )

Aguïeto(-peludo)

Erodium cicutarium subsp. bipinnatum

Geraniaceae

Àutri noum : Aguïo, Aguïoun.

Nom en français : Bec-de-grue poilu.

Descripcioun :
Aquesto raro aguïeto trachis dins li mountiho de sablo proche la mar. Se destrìo de sa cousino di proun coumuno que trachis dins lis ermas, bonodi si fueio descoupado e peludo e soun fru mai courtet e sènso rego. Coumpara emé l'aguïeto pèr pas s'engana.

Usanço :
L'aguïeto èi manjadisso, soun goust ramento aquéu dóu juvert, un pau mai cousènt. Se dis qu'èi vertuouso contro li proublèmo de circulacioun dóu sang.